Талғат Камелұлы Ғалымов

Талғат Камелұлы Ғалымов

Талғат Камелұлы Ғалымов

1964 жылы 3 ақпанда Алматы қаласында туған. Татар.

Әкесі - Галымов Камел Құрбанғалиұлы, зейнеткер. Анасы -Галымова Гадила Юсупқызы, зейнеткер.

Алматы Технологиялық тұрмыс қажетін өтеу және жеңіл өнеркәсіп техникумының «Фототехника» факультетін бітірген (1983), фототехник.

Қазақ және орыс тілдерін біледі.

1983 жылдан - «Гидромаш» зауытының фотограф-зертханашысы. 1992 жылдан - «Дәуір» баспасының фотограф-зертханашысы. 1994 жылдан - «Караван» газетінің фототілшісі. 1996 жылдан - «Трансатлантик групп Ltd.» консорциумының фототілшісі, Қазақстан БАҚ үшін Атлантадағы XXVI жаздық Олимпиадалық ойындарды түсірген. 1998 жылдан - республикалық апталық «Новое поколение» газетінің фототілшісі.

2005 жылдан бері - «Новое поколение» газеті фотоқызметінің жетекшісі.

«Алматы фотографиялық қоғамы» қоғамдық бірлестігінің мүшесі. Қазақстан Үйінде Атлантадағы жаздық Олимпиадалық ойындары өткізілген кезде ашылған дербес көрменің ұйымдастырушысы (1996).

«Қазақойл» Ұлттық мұнай компаниясы ұйымдастырған конкурстың лауреаты (2001). «Алтын Жұлдыз» конкурсындағы Құрметті дипломның және «Жыл фотожурналисі» атағының (2002), «NOX Kazakhstan» дипломының (2003), IV Жоғары Сән апталығы жобасына қатысқаны үшін және Қазақстанда Үлкен сән өнерін дамытуға қосқан үлесі үшін дипломының (2005) иегері . Қазақстан туралы фотоальбом дайындауға бірнеше рет қатысқан, Германияның орыс тілді тұрғындарына шығатын «Пилигрим» альманағына жарияланады. Reuters, ИТАР-ТАСС, АР әлемдік агенттіктермен қызмет етеді.

«Маңғыстаумұнайгаз» компаниясы жөніндегі кітапта пайдаланылған және басқа да фотографиялардың авторы.

2008 жылы кәсіби қызметінің 25 жылдығына және «Новое поколение» республикалық апталығының 10 жылдығына арналған жеке фотосуреттер кермесі етті.

Қазақстанның болашағы туралы болжамы - «Қазақстан әлемдік дағдарыстан лайықты түрде шыға алады».

Хоббиі - фотография.

Сүйіп оқитын әдебиеті - фантастика.

Үйленген. Жұбайы - Ғалымова Луиза Рафаэлқызы; Ұлдары - Галымов Ильдар Талғатұлы, Ғалымов Зиннур Талғатұлы.