Талқылау:Зәуірбек Молдағалиұлы Райбаев

Untitled

Мына нұсқамен салыстырып толықтыру керек: Зәуірбек Молдағалиұлы Райбаев (13.2.1932 жылы туылған, Алматы) — балет артисі, балетмейстер, педагог, Қазақ КСР-інің халық артисті (1982). 1952 жылы Алматы хореографиялық училещесін (А.В. Селезневтің класы бойынша), 1954 ж. Ленинград (қазіргі Санкт-Петербург) хореография училещесінің жетілдіру класын (педагогтері И.Д. Бельский, А.А. Писарев, А.И. Пушкин, А.И. Бочаров), 1962 ж. Мәскеудегі Мемлекеттік театр өнері институтының балетмейстерлік бөлімін (Л.М. Лавровскийдің класы бойынша) бітірді. 1954 — 58 ж. Қазақтың мемлекеттік академикасының опера және балет театрының биші-солисі, 1962 жылдан балетмейстері болған. Райбаевтың репертуарында Базиль (Л.Ф. Минкустың “Дон Кихотында”), Принц, Дезире (П.И. Чайковскийдің “Аққу көлі” мен “Ұйқыдағы аруы”), Шурале (Ф.З. Яруллиннің осы аттас балеті), Евгений (Р.М. Глиэрдің “Мыс салт аттысында”), Вацлав пен Нұралы (Б.В. Асафьевтің “Бақшасарай фонтаны”), Сабыр (Н.Тілендиев, Л.Б. Степанов пен Е.В. Манаев “Достық жолымен”) партиялары бар. Сондай-ақ ол М.Равельдің “Болеро”, Ф.Шопеннің “Шопениана” (1962), П.И. Чайковскийдің “Франческа да Римини” (1962), Ғ.Жұбанованың “Аққұс туралы аңыз” (1964, Д.Әбіровпен бірге) І.Іожамияровтың “Чин-Томур” (1968), С.С. Прокофьевтің “Ромео мен Джульетта” (1972), А.И. Хачатурияның “Спартак” (1974), А.К. Глазуновтың “Раймонда” (1984), т.б. балеттерін қойды. 1955 жылдан Алматы хореографиялық училещесінде педогогикалық қызметпен шұғылданды. “Құрмет белгісі” орденімен марапатталған.