Талқылау:КӨМІРЛЕНУ

– шымтезектің көмірге айналу және ол көмірдің геологиялық факторлар (жылу мен қысымның артуы) әсерінен одан әрі өзгеру процестерінің жиынтығы. Көмір түзілу процесі екі фазаға бөлінеді: гумидтену (шымтезек түзілу) және көмірлену. К. өз кезегінде диагенез (шымтезектің қоңыр көмірге айналуы) және метаморфизмге (қоңыр көмірдің эволюциясы, яғни оның тас көмірге және одан кейін антрацитке айналуы) жіктеледі. К. кезінде көмірдің органик. массасы тығыздалады және төмен молекулалы заттардың бөлініп шығуынан оның массасы азаяды, жылтырлығы, электр өткізгіштігі (әсіресе антрациттерде), шағылыстыру қабілеті, сыну көрсеткіші артады. К. кезіндегі хим. өзгерістердің нәтижесінде көміртектің мөлшері артады, оттек пен ұшпа заттардың шығымы азаяды; жылу бөлінгіштігі артады, бірақ одан кейінгі сутектің күрт азаюына байланысты қайта азаяды. Ә. Байбатша