Тамандуа

Уикипедия — ашық энциклопедиясынан алынған мәлімет
Jump to navigation Jump to search
Тамандуа
Tamandua tetradactyla
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Ұлы сабы: Xenarthra
Сабы: Pilosa
Кіші сабы: Vermilingua
Тұқымдасы: Құмырсқажегіштер
Тегі: Tamandua
Rafinesque 1815
Species

Tamandua tetradactyla
Tamandua mexicana

Тамандуа (лат. Tamandua) — Құмырсқажегіштер тұқымдасының тармағы, тармақта екі биологиялық түрі белгілі: Tamandua tetradactyla, немесе төртсаусақты құмырсқажегіш, және Tamandua mexicana, немесе мексикалық тамандуа.

Таралуы[өңдеу]

Northern Tamandua area.png

Мұндай жануар түрі Оңтүстік және Орталық Американы, Оңтүстік Мескиканы, Оңтүстік Парагвай аймақтарын мекендейді. Ормандалып келген жерлерге, саванна өсімдігінің арасында, кейде адамдарға жақын аймақтарға тұрақты үйренген.

Биологиялық сипаттамасы[өңдеу]

Әдетте денесінің ұзындығы 54-58 см, құйрығының ұзындығы 50-60 см, тілінің ұзындығы 40 см, массасы 3-5 кг.

Қорегі[өңдеу]

Тамандуа ағаштар арасында мекендейтіндіктен, ағаштарда мекендейтін құмырсқалармен, термиттермен қоректенеді, сонымен қатар ара ұяларын ұрлайды.

Ерекшелігі[өңдеу]

Тамандуа жануарының төрт аяғы өте берік, әрі тырнақтары ұзын болып келеді. Құйрығының өзі жемді аулауға атсалысады. Жүні өте қатты, қалың, сары қоңыр түсті. Құлақтары құмырсқажегіш жануардан үлкендеу болып келеді. Жерде жүрген мезетте баяу, ауыр жүреді. Қауіп төнгенін сезсе, артқы екі аяғына тұрып, құйрығына сүйеніп, екі мықты алдыңғы аяқтарымен шайқасқа дайын тұрады, кейде артқа қарай аунап, бүкіл төрт аяғымен қорғанады. Тамандуаның қас жаулары орел-гарпия, барыстар және жыландар. Ағаштарға да өте баяу өрмелейді. Қауіпті сезсе жағымсыз дыбыс шығарып, жағымсыз иіс шығарады. Бұл жануар көбінше кешкі уақытта белсенділік танытады. Құмырсқа інін немесе термит інін көрсе, ең алдымен алдыңғы екі аяғымен інін бұзып, содан соң ғана ұзын тілімен теріп жейді.

Тамандуа баласын ішінде 150-160 күндей ұстайды, көбею көктемде басталады. Аналық жынысты тамандуа бір ғана бала туады. Жемін іздеп жатқанда оны бір бұтаққа отырғызып, жемін алып келген соң, қайта арқасына отырғызып алып кетеді.

Қызықты мәлімет[өңдеу]

Оларды қолда ұстау өте қиын, себебі олар жабық аймақты ұнатпайды, бірақ аборигендер оларды үйлерінде құрт-құмырсқаның көбейіп кетпеуінен ұстайды. Үйгі қараймен қалған тамандуалар бар болғаны 9 жыл ғұмыр кешеді.