Танкіге қарсы қару

Танкіге қарсы қару — танкілерді және баска сауытты нысаналарды жоюға арналған қару түрлері және оларды қолдануды қамтамасыз ететін жабдықтар.

Танкіге қарсы қару кажет болған жағдайда қарсыластың жанды күшіне және түрлі жанғыш атыс құралдарына қарсы күрес жүргізу үшін де қолданылуы мүмкін.

Танкіге қарсы қаруға: танкіге қарсы гранататқыштар және таяу ұрыстың басқа да танкіге қарсы құралдары, танкіге қарсы зеңбіректер және шегінбейтін зеңбіректер, танкіге қарсы ракеталық, кешендер, танкіге қарсы (кумулятивті) авиациялық бомбалар, танкіге қарсы авиациялық миналармен жарақталған бір реттік бомбалық кассеталар, авиациялық танкіге қарсы ракеталар, танкіге карсы миналар жатады.

Қазіргі Танкіге қарсы қару тиімді атыс қашықтығы: танкіге қарсы гранататқыштар үшін 500 м-ге дейін, шегінбейтін зеңбіректер үшін 1500 м-ге дейінгі, танкіге қарсы зеңбіректер үшін 2000 м-ге дейінгі, танкіге қарсы ракеталық кешендер үшін 8000 м-ге дейінгі ауқымды құрайды.

Алыс қашыктыктардағы сауытты нысаналар: ұңғылы артиллериямен (әдетте, жабық атыс бекіністерінен), дүркінді атыстың реактивті жуйелерімен (кумулятивті элементі бар белсенді әрекетті және танкіге қарсы жергілікті жерді кенеттен қашықтықтап миналайтын элементтері бар енжар әрекетті кассета түріндегі реактивті снарядтармен), авиациялық құралдармен (танкіге қарсы басқарылатын және басқарылмайтын ракеталар, бомбалар, бір реттік бомбалық кассеталармен), сондайақ тактикалық және оперативтік-тактикалық мақсаттағы ракеталық кешендермен жойылады. Кез келген Танкіге қарсы қарудың маңызды ұрыстық касиеті — оның әқдәрісінің сауыт бұзу мүмкіндігінде. Ол әр түрлі әдістермен немесе олардың қосындысымен: қарудың калибрін үлкейтумен, сауыт бұзғыш (кіші калибрлі) снарядтардың бастапқы жылдамдығын өсірумен қатар, кумулятивті оқ-дәріні колданумен де және т.б. қамтамасыз етіледі.