Татрең сарыторғай

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Татрең сарыторғай

Татрең сарыторғай - сарыторғайлар тұқымдасы өкілдерінің бірі [1]. Торғайдың дене пішініндей, бірақ құйрығы ұзындау, тұмсығы сүйірленген. Салмағы 15-22 грамм. Аталығы өте әдемі - басы ақшыл көлденең жолақты, арқасы мен кеудесі арқылы өтетін таңғышы ашық сарғылт түсті. Аналығы боздау және біртүсті. Үні-сыңғырлаған,бүкіл сайға естілетін, бірнеше рет қайталанатын әуен.

Таудың орта белдеуіндегі құрғақ тасты жерлеріндегі бұталарда кездеседі. Бұрын тек Батыс Тянь-Шань тауларында қоныстанған болатын, қазір Іле Алатауында да ұялайды. Ұясын жердегі тастың немесе бір топ шөптің арасындағы шұңқырға салады. 3-5 қоңыр теңбілді сұр жұмыртқаларын аналығы басып шығарады. Балапандарын екеуі асырайды. Жәндіктер және өсімдік дәндерімен қоректенеді. Ұялайтын жеріне сәуірде ұшып келеді,тамыздың соңында ұшып кетеді.

Дереккөздер[өңдеу]

  1. Анатолий Федорович.Виктория Анатольевна "Қазақстандағы жануарлар әлемі" энциклопедиясы — Алматыкітап баспасы, 2012.