Таулы жерлердегі артиллерияның қимылы

Таулы жерлердегі артиллерияның қимылы — таулы жерлердегі қорғаныс кезінде артиллерия тар аңғарларда, сайларда, асуларда, сондай-ақ көшкін, үйінді, қар көшкінін, тасқын тудыратын, сонымен қатар қарсыластың жылжуы мен маневр жасауын қиындататын объектілерде орналасқан қарсылас әскерлерін атыспен жоюға өте ыңғайлы.

Тауда артиллерияның атыс жүйесін ұйымдастыру кезінде ядролық шабуылдау құралдарын жою, карсыластың артиллериялық және минаатарлық батареяларын тұмшалау, қарсыластың теріс ылдилардағы, сайлардағы, аңғарлардағы және басқа жасырын тустардағы атыс құралдары мен адам күшін жою, сондай-ақ тірек пункттерінің кіре берісін және олардың аралығын артиллерия атысымен калқалау қарастырылады.

Таулы жерлердегі қорғаныс кезінде артиллерия атыс жүйесі бағыт бойынша, көбінесе атыс маневрімен құралады, өйткені артиллерия бөлімшелерінің маневр жасауы мейлінше шектеулі болады.

Атыс жүйесі инженерлік кедергілердің орналасуымен (орман үйінділері, электрбөгеттері, мина алқаптары) және осы жергілікті жер жағдайларында маңызды мәнге ие болатын табиғи кедергілермен тығыз байланысты болуы керек.

Таулы жерде алғы шөп кіре берісінде, қорғаныс ауданы аралығында, қиыскан жерлер мен қапталдарда, сондай-ақ қорғаныс терендігінде көп қабатты қапталды және айқастыра атуды ұйымдастыру ыңғайлы.

Көп қабаты қапталды және айқастыра атуды жүргізу үшін тура дәлдеу мен атуға бөлінген зеңбіректерді карсыласқа бағытталған ылдиларда биіктік бойынша эшелондап және тау шындарында орналастырылған ТҚБР ұшыру қондырғыларын кең қолданады.

Артиллерияның орын ауыстыруын ұйымдастыру кезінде кәдімгі жағдайларға қарағанда таулы жолдармен жылжу жылдамдығы мейлінше төмен екені есепке алынады.

Таулы жерде алдын ала барлау тобы мен артиллериялық барлау тобынын жұмыс көлемі мейлінше жоғары, сондықтан жүктелген тапсырманы орындау үшін уақыт белгілеу кезінде оны есепке алу керек. Таулы жерлерде жазық жерлердегі сияқты артиллериялық бөлімшелер артиллерияның аға немесе жалпы әскери командирі жүктеген атыс тапсырмаларын орындайды. Бұл кезде нысананы жою үшін атыс жою, титықтату, өртеу мақсаттарында жүргізіледі. Бірақ бұл тапсымаларды орындау кезінде тау бедеріне орай атысты дайындау мен баскару процесінде бірқатар ерекшеліктер болады.