Таулы жерлердегі бөлімшелер шеруі

Таулы жерлердегі бөлімшелер шеруі — таулы жағдайлардағы шеру — бұл бөлімшелердің техникамен және жаяу ретпен жолдар, сүрлеусоқпақтар, сондай-ақ аңгар, сай және шатқал бойымен, жота қырларымен және тау сілемдерімен, ал кейбір жағдайларда тау беткейлерімен салынған лек жолдары арқылы ұйымдастырылған қозғалысы.

Шеру бөлімшелер қозғалысының негізгі тәсілі болып саналады. Шеру ұрысқа кірісу алдында немесе қарсыласпен қақтығысу қаупінен тыс, ал қозғалыс бағыты бойынша — майданға, майдан бойынша, майданнан тылға карай жүзеге асырылады.

Шеру көбіне түнде немесе көру жағдайы шектелген жағдайларда жасырын іске асырылады, ал ұрыс жағдайларында өз әскерінің терең тылында күндіз де жүргізіледі.

Кез келген жағдайларда бөлімшелер белгіленген ауданға немесе көрсетілген шепке уақытымен, толық құрамда және қойылған тапсырманы орындауға дайын болып келуі керек.

Батальон легінде жүретін — машинадағы бөлімшелер мен танк бөлімшелерінің және өздігінен жүретін артиллериялық кондырғылардың қозғалыс жылдамдығы тапсырмаларына, әскер тығыздығына, жүргізушілер құрамының дайындығына, маршрут сипатына, жыл, тәулік мезгілі мен ауа райы жағдайына байланысты.

Қалыпты шеру кезіндегі орташа жылдамдық түнде — 15—20 км/сағ., күндіз 20-25 км/сағ. болуы мүмкін. Өткелдер, ылдилау, көтерілу және жолы қиын басқа еңірлерден өту кезінде бөлімшелердің қозғалыс жылдамдығы төмендейді.

Бөлімше командирі шеру алдында маршруттың жолы қиын тұстарын зерттеп, оларды жүріп өту ретін аныктайды; машиналардың басқару механизмдері мен жүргізу бөлшектеріне, қару-жарактың жөнділігін тексеруге, жеке құрамның аяқ киімі мен жабдығына, байланыс құралы мен сигналдау жағдайына, ал жүк таситын жануарларды пайдалану кезінде олардың тағалануына, жүгіне, қосалқы құраддарының болуына барынша назар аударады.

Таулы жерлердегі бәлімшелердің орналасуы шоғырлану, бастапқы, құту, демалу және т.б. аудандарда жүргізілуі мүмкін. Әдетте орналасу ауданы табиғи тасалары бар және жаппай жою қаруы мен жоғары дәлдік каруынан бәлімшелерді корғауды қамтамасыз ететін жерлерде тағайындалады.

Бөлімшелер көрсетілген ауданда жергілікті жердің қорғаныс және бүркеніш қасиеттерін қолдана отырып козғалу маршруты бойына орналасады. Ашық жерлердегі машиналардың ара қашыктығы 100-150 м, ал бөлімшелер ара қашықтығы 300-400 м болу керек.