Тебес (Грекия)

Уикипедия — ашық энциклопедиясынан алынған мәлімет
Jump to navigation Jump to search

Тебес – Беотиядағы ежелгі грек қала-мемлекеті. Қаланың көнелігін Микен дәуірінің ескерткіштері дәлелдеді. Б.з.б. 6 ғасыр қарсаңында Тебесті билеген жергілікті тайпалар Беотияның барлық қала-мемлекеттерін біріктіріп, Беотия одағын құрды. Осы кезеңде Тебес ежелгі грек өркениетінің ірі орталықтарының бірі болды. Бұл одақ грек-парсы соғыстары (б.з.б. 500449) кезінде парсыларды қолдады. Грек қала-мемлекеттері арасында болған өзара соғыстардан кейін Спарта талқандап, б.з.б. 387 жылы Анталкид бітіміне сәйкес Беотия одағы таратылды. Тебес өзінің бұрынғы маңызын жойып, ішкі дағдарыс қалыптасты. Б.з.б. 338 жылы Тебесті Македония жаулап алды, 335 жылғы Македонияға қарсы көтерілісті басқаннан кейін қала жермен-жексен етіп, күйретілді. Б.з.б. 315 жылы Тебес жартылай қалпына келтірілді, бірақ оның саяси рөлі төмендеп кетті. Тебес қазір Грекиядағы шағын қала.

Дереккөздер[өңдеу]

Қазақ Энциклопедиясы, 9 том.