Теміртау политехникалық колледжі

Теміртау политехникалық колледжі, ТПТК (Республика даңғылы, 26). 1997 жылында бұрынғы Теміртау құрылыс (1955 жыл ашылған), Теміртау металлургия (1977), Теміртау химия-механика (1956) және Ақтау индустрия (1955) техникумдарын біріктіру арқылы құрылды. Құқықтану, бухгалтер, менеджмент,өнеркәсіп жабдықтарына қызмет көрсету және жөндеу, есептеу техникасы мен автоматты жүйелерді бағдарламамен қамтамасыз ету, химиялық қосылыстардын сапасын бақылау,тамақтандыру, құрылыс (барлығы 14 мамандық, 2006) мамандықтары бойынша маман кадрлар даярлайды.

2005-2006 оқу жылында күндізгі бөлімде 2030 адам, сырттай 587 адам оқыды. 105 оқытушы, 53 жоғары, 30 бірінші категориялы оқытушы сабақ береді. 40-тан астам оқу бөлмелері, 6 компьютерлік сынып, кітапхана, оқу залы, акт залы, 4 оқу шеберханасы, 2 спортзалы, асхана, жатақ хана бар.

2005 жылға дейін 28 мыңнан астам маман даярлады. Директоры техникалық ғылыми кандидаты, профессор К. Оралбеков (2006).