Темірғали Рүстембеков

Уикипедия — ашық энциклопедиясынан алынған мәлімет
Jump to navigation Jump to search

Темірғали Рүстембеков (1906 ж. бұрынғы Талдықорған ауданы «Байбатыр» ауылы – 1976, сонда) - белгілі айтыскер, Қазақстанның халық ақыны (1948).


Ол 6 жасында шешек ауруынан соқыр болған. 8 жасында ата-анасынан айрылып жетім өсті. 14 жасында домбыраны шебер тартып, ақындық және сазгерлік дарынымен танылады. Оның артында «Атыңнан айналайын, Қараталым», «Өзім туралы», «Ақын үні», т.б. әндері қалған. Ол ақсулық Қ.Терібаев, қараталдық А.Жексенбеков, ұзынағаштық Ә.Сариев сынды ақындармен сөз сайысына түскен. Оның айтыскерлік өнерін М.Әуезов, С.Мұқанов, Ғ.Сланов, М.Әлімбаев, т.б. қаламгерлер жоғары бағалап, пікір білдірген.

Т. Рүстембеков Еңбек Қызыл Ту орденімен және бірнеше медальдармен марапатталған.[1]

Дереккөздер[өңдеу]

  1. Жетісу, Энциклопедия. – Алматы: «Арыс» баспасы, 2004.