Техникалық қадағалау пункті

Техникалық қадағалау пункті (ТҚП) (Пункт технического наблюдения) — ұрыс кезеңіне кұрылатын, әскерді техникамен жабдықтайтын орган. 1930 жылдары танкілік және механикалық бөлімдерде құрылып, бақылау мен байланыстың басты пункті болып аталды. Техникалық қадағалау пункті қираған, жоғалған және батып кеткен машиналардың тұрған орнын анықтау және картаға түсіру максатында ұрыс алаңындағы ұрыс машиналарын бақылау, қай бөлімге қарайтынын, батуы мен суға батып қирауының сипатын, эвакуациялау және жөндеу үшін кажет дайындық жұмыстардың көлемін анықтау, жақын қолайлы калқаларды, оларға жақын жолдарды және эвакуация жолдарын таңдау үшін құрылады. Техникалық қадағалау пункті танкілік және мотоатқыштар батальондарында құрылады. Қадағалауға қиын жағдайларда роталық техникалық қадағалау пункті құрылуы мүмкін. Әдетте батальондық техникалық қадағалау пунктінде роталық техникомдар, химик-дозиметршілер, саперлер және қордағы экипаждар (жүргізушілер) болады. Жоғары жылдамдықты сауытғы машиналармен, радиобайланыс құралдарымен, бақылау және түнде қару аспаптарымен, ал қажет болғанда навигациялық аппараттармен жабдықталады.