Теңбіл қорқау қасқыр

Уикипедия — ашық энциклопедиясынан алынған мәлімет
Мұнда ауысу: шарлау, іздеу


Теңбіл қорқау қасқыр (лат. Crocuta crocuta) - Африкада өмір сүретін бурыл, жолақ және теңбіл қорқау қасқырлардың бір түрі.

Қорқау қасқыр – жыртқыш сүтқоректі. Кейде «күлегеш қорқау», «теңбіл шибөрі» деп те аталады. Теңбіл қорқау қасқыр құрлықта тіршілік етеді. Ол сахаралық Африканың Конго өзені жағалауынан басқа жерлердің бәрінде кездеседі.

Теңбіл қорқау қасқыр ұлыған кезде адамның қатты қарқылдап күлгеніне ұқсайтын дыбыс шығарады.

Теңбіл қорқаулар туыстық қатынастар арқылы іріктелген қауымға топтасады. Әр әулетінің өз іні, бағынатын басшылары болады. Інде күшіктері ұйықтайды, аң аулап келген үлкендері демалады.

Теңбіл шибөрінің басы – үлкен, құлақтары жалпақ болады. Қылшықты жүні басқа шибөрілердікіне қарағанда қысқа, қызыл қоңыр және сары қоңыр түсті. Жасы ұлғая келе жүнінің түсі оңа бастайды.

Құйрығы мен тұмсығы – қара, аяқтарының ұшы ақ түсті болып келеді.

Денесінің ұзындығы – 1,3 м, шоқтығына дейінгі биіктігі – 60 – 80 см, салмағы – 50 – 90 келі.

Қорқау қасқырлар Саванналарда, жайылымдарда, ормандардың шетінде, тоғайларда, шөлейттерде, биіктігі төрт мың метрге дейінгі тауларда тіршілік етеді.

Қорқау қасқырлар әртүрлі аңдармен, өсімдіктермен қоректенеді.

Теңбіл қорқау қасқырдың жақ сүйегі өте жақсы дамыған. Африкада тіршілік ететін шибөрілердің үш түрінің екеуі Шығыс Африкада тіршілік етеді. Олар: теңбіл шибөрі мен өте сирек кездесетін жолақ шибөрі.[1]

Дереккөздер[өңдеу]

  1. Ж 27 ЖАНУАРЛАР. - Алматы: «Аруна» баспасы. - 208 бет. - Сер.: «1100 қызықты дерек».