Теңіз шөгінділерінің құрамбөліктері

Қазіргі теңіздер түбінде түзіліп жатқан, өздерінің мөлшері, құрамы (химиялық, минералдық) және жаралу тегі (генезисі) тұрғысынан сан алуан шөгінділердің құрамдас бөліктері. Мұндай құрамбөліктерді жиі-жиі екі бөлікке жіктейді, олар — теңіз алабына оның жағалауларынан (құрылықтан) жеткізілген "аллотигендік құрамбөліктер" және сол алаптың өз түбінде түзілген "аутигендік құрамбөліктер". Аллотигендік құрамбөліктерге терригендік, жанартаутекті және ғарыштық материалдар жататын болса, аутигендік құрамбөліктер биогендік және хемогендік материалдардан құралады.