Тийу Кирсипуу
| Тийу Кирсипуу | |
| эст. Tiiu Kirsipuu | |
 | |
| Туған күні | |
|---|---|
| Туған жері |
Тарту, Эстония КСР |
| Азаматтығы | |
| Қызметі |
Мүсінші, суретші |
| Сайты | |
Тийу Кирсипуу (1957 жылы 29 қазанда туған, Тарту, Эстония КСР) — эстон мүсіншісі және суретшісі. Ең танымал туындыларының қатарында Тартудағы Оскар Уайльд пен Эдуард Вильденің мүсіндері бар.
Тартудағы №2 орта мектепте (1965-1975) және Таллин қаласындағы №46 орта мектепте (1975-1976) оқыған. Содан соң Эстония өнер академиясына оқуға түсіп 1983 жылы мүсінші мамандығы бойынша бітірді.
1983-1987 жылдары Нымме пионер сарайында (Таллин қаласының маңында) мүсіндемеден сабақ берді. 1987 жылы Эстония КСР Суретшілер одағының мүшелігіне қабылданды.
1987 жылдан 1993 жылға дейін штаттан тыс мүсінші болды. 1993-2003 жылдары Эстония өнер академиясының мүсіндеме кафедрасының аға оқытушысы болды. 2003 жылдан 2019 жылға дейін Таллин университетінің мүсіндеме кафедрасының доценті болды.
2019 жылдан бастап Таллинде қайтадан мүсінші және штаттан тыс суретші болды.
Эстония, Финляндия, Германия, Голландия, Франция, Аустрия, Бельгия, Қытай, Ресей және Оңтүстік Кореяда жеке және топтық көрмелері жасалды.
Ол Эсти Банк тапсырысымен жасалған бірнеше монеталардың авторы.
- Номиналы 15,65 крон алтын ескерткіш монета (1999);
- Тарту университетінің мерейтойына арналған күміс ескерткіш монета (2001);
- Эстония университетінің 100 жылдығына арналған күміс ескерткіш монета (2006);
- Бейжің Олимпиадасына арналған күміс монета (2008).
2007 жылдан бастап Тийу Кирсипуу бірнеше эстон мәдениетінің белгілі қайраткерлерінің; Матти Милиус, Тыну Аав, Андрес Двинянинов, Юло Вилимаа, Марк Соосаар, Харди Фольмер, Леонхард Лапин, Пеэтер Лауритс және т.б. портреттік мүсіндерін жасады.
2019 жылы Таллиннің бауырлас қаласы Чэндуда биіктігі 6 метрлік «Таллин-Чэнду» металл мүсінін жасау жұмыстарын аяқтады.
Кейбір туындылары:
- «Екі жабайы аң» мүсіні, 1999 ж., (қола, гранит), Тарту;
- Таллиндегі Эстония ұлттық операсының 100 жылдығына арналған монумент, 2006 ж.;
- Упсала университетінің швед саясаткері—Йохан Скитт ескерткіші (1577–1645), Тарту университетінің мұражайының алдында 2007 ж.;
- «Мәңгілік студент Юлий» қола мүсіні 2008 ж., Таллин;
- Сэр Шон Коннеридің бюсті, 2011 ж.;
- Харди Фольмердің портреттік мүсіні, 2015 ж.
2012 жылы мүсіншінің шығармашылығына арналған «Тийу Кирсипуу. Сәттілік коды» фильмі жарық көрді.
Марапаттары
[өңдеу | қайнарын өңдеу]- Ұлттық Президент сыйлығы, 2019 ж.
- IV дәрежелі Ақ Жұлдыз ордені (Valgetähe teenetemärk), 2019 ж.
- Антон Старкопф мүсін сыйлығы, 2010 ж.
- Кристян Рауд сыйлығы, 2010 ж.