Трайболизм

Трайболизм — қоғамда рулық-тайпалық бөлініс негізінде сақталған қарым-қатынастардың, ру-тайпалық, ұлттық оқшаулануды білдіреді. Трайболизм әсіресе әдет-ғұрыптар мен жораға негізделген дәстұрлі коғамдарға тән. Ол ұлттық бірлікке, біртұтас мемлекеттік дамуға кері әсерін тигізеді, Ауғанстан мен Тәжікстандағы азаматтық соғыстың тұрткісі де міне, осы Трайболизм Қазақы қоғамдағы жүзге, руға бөлінушілік те жас егемен мемлекетімізді нығайтуға кері әсерін тигізуі мүмкін Кезінде патшалық Ресей Қазақ жерлерін отарлауда жүздік рулық келіспеушіліктерді ұтымды пайдаланған. Қазіргі Ресей Шешенстандағы соғыста да шешен тайпаларын бір-біріне айдап салуға тырысуда. Қазақстан жағдайында ұлттық бірлік пен ынтымақтастықты нығайту үшін Трайболизмнің қандай да болмасын көріністерін болдырмауға үшін халықтың Қазақстан "мемлекеттілігі", "егеменділігі" идеясы төңірегіне топтасуының маңызы зор. Біртұтас ұлттық сананың қалыпттасуына мемлекеттіліктің, ұлттық рухани мәдениеттің түбегейлі мәселелерін көтеру мен әлеуметтік-экономикалық өрлеуді қамтамасыз етуге жұмылу оң әсерін тигізеді.