Трансамерикалық пирамида

Уикипедия — ашық энциклопедиясынан алынған мәлімет
Jump to navigation Jump to search

Трансамерикалық пирамида - трансамерикалық корпорацияның халықаралық штаб-пәтері, Сан-Францискодағы (Калифорния) ең биік ғимарат. Оның құрылысы 1969 жылы басталып, 1972 жылы аяқталды. 48 қабатты, биіктігі 260 метр, оның ішінде шпилінің биіктігі 65 метр. Шпиль алюминий панельдерімен қапталған, оның төбесінде радиолокациялық қабылдағыш орналасқан. Бұл қабылдағыш сигнал жер сілкінуді алдын ала болжау үшін орнатылған, пирамиданың формасы оның айналасындағы орасан зор алаңға жарық түсіп тұруына мүмкіндік туғызады. Ғимарат қанша зор көрінгенімен, көлемі жағынан Гизадағы Хеопс пирамидасынан кіші. 1999 жылдан бастап пирамида нидерландық AEGON атты сақтандыру компаниясына тиесілі. Шпильдің басындағы радиоқабылдағыш сигнал - ғимараттың қауіпсіздігін қорғайтын көп құралдардың бірі. Алюминий панельдер шпильді қаптап тұр, оның төменгі жағында механикалық жабдықтар орналасқан. Ең жоғарғы қабаттан Сан-Францисконың ғажайып көріністерін, Алтын Қақпа Көпірін тамашалауға болады. 29-қабатта лифт орналасқан екі аралық, баспалдақ және мұржа бар. Сәулетшілер тобы Уильям Л., Перейра және жолдастары пирамиданы салу барысында құрылыс материалдарына бетон, шыны және құрышты пайдаланды. Оның иілгіш қаңқасы жер сілкінуден болатын дірілдің әсерін жоятын болған.[1]

Дереккөздер[өңдеу]

  1. "Әлемнің ұлы кереметтері", Алматыкітап,2005 ж. Авторы: Рассел Эш, Суретшісі: Ричард Бонсон.


Сыртқы сілтемелер[өңдеу]