Транс (сананың жағдайы)

ТРАНС (франц. transe, transіr – мелшиіп қатып қалу), медицинада – адам санасының тұнжырау жағдайы. Бұл кезде адам еркінен тыс, сырттай қарағанда дұрыс кейде күрделі іс-әрекеттер жасайды (мысалы, көшелерді кезіп кету, көлікке отырып алып саяхат жасау, т.б.). Транс кезіндегі іс-әрекеттер адамның есінде сақталмайды. Транс негізінен эпилепсия, истерия, терең гипнозға түскенде байқалады, сондай-ақ өмірден безу, экстаз, “көріпкелдік”, т.б. жағдайларында да орын алады.