Тулун әулеті

Уикипедия — ашық энциклопедиясынан алынған мәлімет
Навигацияға өту Іздеуге өту

Тулун әулетіМысырды 868 – 905 жылы билеген түркі текті әулеттің негізін қалаушы Бағдат халифатын билеген Аббас әулетінің Египетке жіберген өкілі – Ахмед ибн Тулун болды. Ол 868 – 84 жылы Мысырды билеп, елді Бағдат халифатынан бөліп алды. Тулун әулеті тұсында Мысыр тәуелсіз мемлекетке айналып, өзіне Сирияны бағындырды. Тулун әулетінен шыққан билеушілер салықты жеңілдету арқылы Мысыр халқының қолдауына ие болды әрі ел экономикасының көтерілуіне ықпал етті. Астанасы қазіргі Каир қаласына таяу жерде орналасқан Катай қаласы болды. Дегенмен, 903 жылы Арабия түбегінен келген карматтардан күйрей жеңілген Тулун әулеті 905 жылы Аббас әулетіне қайтадан бағынуға мәжбүр болды.[1]

Ибн Тулун мешітінің күмбезі сол Тулун дәуірінің ең үлкен ескерткіші.

Сілтеме[өңдеу | қайнарын өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том