Туынды қаржы құралдары

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Chicago bot.jpg

Туынды қаржы құралдары - бағасы активтің (базистік активтің) бағасымен айқындалатын, яғни осы активтің бағасынан туындайтын қаржы нарығының құралдары.

Туынды қаржы құралдарының негізгі топтары — бағалы қағаздардың дербес айналыстағы сертификаттары, яғни қайталама бағалы қағаздар (мысалы, американдық және ғалами депозитарлық қолхаттар); мерзімді келісімшарттар (фьючерс, форвард, опцион), құрамдастырылған келісімшарттар (мысалы, своптар); будан құралдар мен бағалы қағаздар, яғни дәстүрлі бағалы қағаздардың мерзімді келісімшарттармен құрамдастырылуы (дербес айналыстағы будандар — акциялар мен облигацияларға арналған варранттар; "кіріктірме" будандар — айырбасталатын артықшылықты акциялар мен айырбасталатын облигациялар).

Туынды қаржы құралдарымен (туынды бағалы қағаздармен) сауда биржалық нарықтарда да, биржадан тыс мерзімдік нарықтарда да жасалады.[1]

Пайдаланған әдебиет[өңдеу]

  1. Қаржы-экономика сөздігі. - Алматы: ҚР Білім жэне ғылым ми- нистрлігінің Экономика институты, "Зияткер" ЖШС, 2007. ISBN 978-601-215-003-2