Тікелей іздеудің таушайыр танымдық әдісі

Тікелей іздеудің таушайыр танымдық әдісі. Таужыныстардың өтімділігі жоғары белдемдері бойымен көмірсутекгер жатынынан жер бетіне қарай жылыстаған сұйық көмірсутектердін шашырау ореолдарын анықтау мақсатында нақтылы алап қимасының беткі өңіріндегі таужыныстарға тиесілі органикалық заттарды зерттеуге негізделген мұнай және газ кенорындарын іздеу әдісі. Таужыныстардың сынамалары жер бетінен де, арнайы жасақталған геохимиялық ұңғымалар қимасынан да алынады. Әдіс таушайыр тектестерінің тектік болмысын нақтылайды, олардың эпигенездік өкілдерінің мөлшері мен кеңістіктегі таралу сипатын анықтайды, бұл үшін таушайыртанымдық талдауға қатысты зертханалық әдістердің бүкіл кешені пайдаланылады.