Тілдерді қолдану мен дамыту бағдарламасы
Тілдерді қолдану мен дамыту бағдарламасы - Тілдерді қолдану мен дамытудың 2001-2010 жылдарға арналған бағдарламасы. Қазақстан Республикасының Президентінің 1998 жылы 5 қазандағы №4106 Жарлығымен бекітілген. Қазақстан халықтарының тілдерін дамытудың стратегиясы үш негізгі мақсатты айқындайды: мемлекеттік тілдің әлеуметтік-коммуникативтік қызметін кеңейту мен нығайту; орыс тілінің жалпы мәдени қызметін сақтау; этникалық топтардың тілдерін дамыту. Бұл мақсаттарға жету үшін мынадай міндеттер көзделген: мемлекеттік тілдің мемлекеттік басқару тілі ретінде қолданылуын қамтамасыз ету, нормативтік-құқықтық негізін жетілдіру; іс жүргізуді мемлекеттік тілге көшірудің нақтылы кестесін белгілеу арқылы барлық мемлекеттік ұйымдарда және жергілікті өзін-өзі басқару органдарында мемлекеттік тілдің іс жүргізудегі негізгі тіл ретінде қолданылуын қамтамасыз ету; этникалық қауымдастықтар өкілдерінің өз ана тілдерін оқып-үйренуіне мемлекет тарапынан қолдау көрсету. Тілдерді қолдану мен дамытудың мемлекеттік бағдарламасын жүзеге асыру Қазақстан аумағында қолданылатын тілдердің қажетті функңионалдық ара-қатынасына қол жеткізумен айқындалатын оңтайлы әлеуметтік-лингвистикалық кеңістік құруды көздейді.[1]
Дереккөздер[өңдеу | қайнарын өңдеу]
- ↑ Саяси түсіндірме сөздік. – Алматы, 2007. ISBN 9965-32-491-3
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |