Түйесу құмы
Түйесу құмы | |
Сипаттамасы | |
---|---|
Түрі | құмды алқап |
Теңiз деңгейiнен биіктігі | 214 м |
Ұзындығы | 37 км |
Ені | 21 км |
Ауданы | 430 км² |
Орналасуы | |
43°22′38″ с. е. 53°30′05″ ш. б. / 43.37722° с. е. 53.50139° ш. б. (G) (O) (Я)Координаттар: 43°22′38″ с. е. 53°30′05″ ш. б. / 43.37722° с. е. 53.50139° ш. б. (G) (O) (Я) | |
Ел | Қазақстан |
Аймақ | Маңғыстау облысы |
Орналасуы | Еуразия |
Түйесу құмы – Маңғыстау үстірті мен Үстірттің батыс аралығында жатқан құмды алқап.
Географиялық орны[өңдеу | қайнарын өңдеу]
Маңғыстау облысы Қарақия ауданы жерінде орналасқан.
Жер бедері[өңдеу | қайнарын өңдеу]
Құмды алқаптың оңтүстік-батыс бөлігінің абсолюттік биіктігі 214 м-ге жетсе, солтүстік-шығысында 58 м. Солтүстік-батыс бағытта 37 км-ге созылған, енді жері 21 км-ге жетеді. Ауданы 430 км2. Құмды алқаптың оңтүстік бөлігін бойлай Құланды кемері созылып жатыр. Оның абсолюттік биіктігі 281 м. Шығысында оқшау орналасқан Тынымбай тауы бой көтерген (227 м). Тұщы грунт суы оңтүстік бөлігінде 3 – 41 м тереңдікте кездеседі және жер астынан тәулігіне 9,25 мың м3 су алынады. Оңтүстік-шығысында Бесоқты құдығы орналасқан. Құмды жағалай Қызылсу, Сенек, Бостанқұм ауылдары және бірнеше қыстаулар жайғасқан.
Өсімдігі[өңдеу | қайнарын өңдеу]
Шөп жамылғысында еркекшөп, құмжусан, т.б. шөлге тән өсімдіктер өскен. Түйесу құмы – көктемгі, күзгі мал жайылымы.[1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том