Түнгі ұрыс қимылдары

Түнгі ұрыс қимылдары (орыс. ночные боевые дейетвия) — қарсыласқа кенеттен немесе үздіксіз әсер ету мақсатында жүргізілетін ұрыс түрі. Түнгі ұрыс қимылдарын ұйымдастыруда жарықпен қамтамасыз етуге, сондай-ақ, түнде көру аспаптарын кеңінен колдануға бағытталған шаралар қарастырылады. Шабуылға (қарсы шабуылға) шығу бағыты табиғи кедергілері барынша аз, ең төте қашықтыкқа белгіленеді, әскерлер (күштер) үшін ең қарапайым маневр қарастырылады. Әдетте, қозғалыс азимуты көрсетіліп, бағыттаушы бөлімше бекітіледі. Түнгі ұрыс қимылдарыын басты күштерыен қатар, әскерлердің (күштердің) бір бөлігі де жүргізе алады. Қорғаныста атыс құралдарын түнде атыс жүргізуге дайындайды, барлау, күзет, ұрыстық реттегі қапталдар мен аралықтар, сондай-ақ басқару пункттері мен тыл объектілерінің күзеті мен қорғанысы күшейтіледі. Жарықты бүркемелеу амалдары колданылып, қарсыластың түнде көру құралдарына қарсы шаралар ұйымдастырылады.