Түркістан түбіндегі шайқас
Түркістан түбіндегі шайқас – 1526 ж. қыста қазақ ханы Тайыр мен Шайбани әулетінің өкілі Келді-Мұхаммед әскерінің арасында болған ұрыс. Ташкенттің билеушісі Келді Мұхаммед пен Тайыр хан 1525 ж. өзара достық қарым-қатынаста болуға және қарсыластарына бірлесіп күресуге уағдаласты. Соған орай екі жақ бір-біріне өз елшілерін жіберіп тұрды. Көп ұзамай Тайыр хан өз уәдесін бұзып, Келді-Мұхаммед елшілерін тұтқынға алып, оның иелігіне бірнеше жорық жасады. Осы жағдай Келді Мүхаммедті көп әскермен Тайыр ханға қарсы аттануға итермеледі. Келді-Мұхаммед әскері мен Тайыр хан әскері Түркістан қ. маңында кездесіп, шайқасқа түсті. Тайыр хан әскерінің көпшілігі қырғыздардан тұратын. Ол өз әскерін сапқа тұрғызып шайқасқа кіріскенде Келді-Мұхаммед оның әскерін үш жақтан қоршауға алды. Шайқас кезінде Тайыр хан ауыр жарақат алып, шегінуге мәжбүр болды. Келді-Мұхаммед шайқаста жеңіске жеткен соң Түркістан қ. мен оған іргелес елді мекендерді басқаруды Абдуллаһ сұлтанға тапсырып, өзі Ташкентке оралды.
Сілтемелер:[өңдеу | қайнарын өңдеу]
«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
 | Бұл мақаланы Уикипедия сапа талаптарына лайықты болуы үшін уикилендіру қажет. |