Түс даралау

Уикипедия — ашық энциклопедиясынан алынған мәлімет
Jump to navigation Jump to search

Тус даралау, фотографияда – фото немесе кино түсіру ісінде нысаннан шығатын немесе шағылатын күрделі спектрлік құрамның бірнеше спектрлік диапазондарға жіктелу процесі. Диапазондар саны элементарлық қабаттардың санына тең (әдетте олар үшеу болады).

  • Түс даралау – көп қабатты материалда бір түсті кескіндер жиынын алуды қамтамасыз ететін түрлі түсті фотографиялық процестің бірінші кезеңі. Түрлі түсті баспасөзде бұл кескіндер сәуле сезгіш жекелеген қабаттардан орын алып, түсі дараланған негативтер деп аталады. Идеал түс даралауда нысан сәулеленуінің бүкіл спектрлік облысы бір-бірімен шектесетін, бірақ өздерінің спектрлік сипаты (СС) бойынша элементарлық қабаттардың СС-на сәйкес келетін, бірақ бірін-бірі көлегейлемейтін диапазондарға бөлінеді. Баспа ісінде – көп түсті кескіндерді бір түсті (сары, алқызыл және көгілдір) құраушыларға жіктеу арқылы кескін алу процесі. Түс даралау түпнұсқаны жарық сүзгілері арқылы фото пленкаға немесе фотоэлектрондық әдіспен электрондық түс берушілерге тізбектей суретке түсіру арқылы жүзеге асырылады. Алынған түсі дараланған негативтерді (позитивтерді) үш немесе төрт баспа формасын (сары, алқызыл, көгілдір және қара бояулар үшін) дайындауға пайдаланады. Басу кезінде осы бояулар арқылы түпнұсқаның әр түрлі түстері мен реңдері қайта қалпына келтіріледі.

Сілтемелер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том