Тұзкөл жер асты су алабы

Тұзкөл жер асты су алқабы, Қарағанды облысындағы Сарысу өзенінің аңғарында, Қаражал қаласынан солтүстікке қарай 60 км жерде орналасқан. Қаражал қаласы мен Жәйрем кенішін ауыз сумен қамтамасыз ету мақсатында жүргізілген барлау жұмыстары барысында жер асты суларының қалыңд. 4 – 6 м-дей антропогендік қиыршық құмдарда, жер бетінен 1,5 – 5 м тереңдікте жатқандығы анықталды. Ұңғымалардан алынған су ағымы 2 – 17,5 л/с. Суы тұщы, минералд. 0,2 – 1 г/л, химиялық құрамы гидрокарбонатты-натрийлі және магнийлі. Барланған тәуліктік қоры 25,3 мың м3, пайдаланылатын мөлш. 14,3 мың м3.