Тұрақталған қозғалыс

Тұрақталған қозғалыс — қозғалыстағы сұйықтықпен толтырылған кеңістіктің тыныш күйдегі әрбір нүктесіндегі шамасы уақыт және бағыты бойынша өзгермейтін ағыстың белгілі бір жылдамдығымен сипатталатын сұйықтықтың қозғалысы (ағысы). Бұл анықтама сығылмайтьін сұйық жағдайына қатысты беріліп отыр. Сұйықтық ағынмен толтырылған кеңістіктің кез келген нүктесінің жылдамдығы тұрақты болатын, яғни шамасы, уақыт немесе бағыты бойынша өзгермейтін сұйықтықтың қозғалысы жағдайында кеңістіктің кез келген тыныштықтағы нүктесі де уақыттың әр түрлі сәтінде келіп жеткен қозғалыстағы сұйықтықтың жекелеген бөлшектері бірдей жылдамдыққа ие болады және осы бөлшектерге бірдей қысым түсіріледі. Қозғалыстағы сұйықтықпен толтырылған кеңістіктің түрлі нүктелерінде жылдамдық пен кысымның әр түрлі болатыны жоққа шығарылмайды. Сонымен, тұрақты қозғалыс кезінде сұйықтықтың жылдамдығы тек кеңістік координаттарына ғана байланысты өзгереді. Сұйықтыктың тұрақталған қозғалысы табиғи және жасанды арналарда, сондай-ақ құбырлар мен машиналарда өте сирек байқалады. Бірақ іс жүзіңде тұрақсыз қозғалыстың жекелеғен кезеңдері үшін кейбір жағдайларда тұрақталған қозғалыстың заңдылықтары қолданылады.