Тұрсынай Оразбаева

Уикипедия — ашық энциклопедиясынан алынған мәлімет
Jump to navigation Jump to search
Тұрсынай Оразбайқызы Оразбаева
301-324-26.png
Қызметі

ақын

Туған күні

19 ақпан 1950(1950-02-19)

Туған жері

Қайнарбұлақ, Сайрам ауданы, Шымкент облысы, Қазақ КСРі

Азаматтығы

 Қазақстан
 Ресей
 Кеңестік Социалистік Республикалар Одағы (1950-1991)

Ұлты

қазақ

Қайтыс болған күні

21 мамыр 2015(2015-05-21) (65 жас)

Қайтыс болған жері

Мәскеу, Ресей

Тұрсынай Оразбайқызы Оразбаева (19.02.1950 жылы, Оңтүстік Қазақстан облысы, Сайрам ауданы, Қайнарбұлақ - 21.05.2015, Мәскеу) - ақын.

Еңбек жолын Шымкенттегі Ж.Шанин атындағы облыстық қазақ драма театрында әдебиет бөлімінің меңгерушісі болып бастаған. 1970—1980 жж. облыстық радио комитетінде және облыстық «Оңтүстік Қазақстан» газетінің редакциясында әдеби қызметкер болып істеген. 1978 жылы Қазақ мемлекеттік университетінің журналистика факультетін сырттай оқып бітірген. 1980 жылдан бері Қазақ радиосының әдеби-драмалық хабарлар Бас редакциясында редактор болып істеді. 1989 — 1991 жж. Мәскеуде Жоғары әдебиет курсында оқыған. 1997 жылдан Мәскеудегі Халықаралық Жазушылар одағының қауымдастығында қазақ әдебиеті бойынша кеңесші.

Жас жазушылардың Бүкілодақтық VIII фестиваліне (1975) қатысқан. Облыстық және Алматыда өткен ІІ республикалық ақындар айтысында (1980) жүлделі орынға ие болған. А. Фадеев атындағы халықаралық әдеби сыйлықтың лауреаты. Халықаралық «Алаш» әдеби сыйлығының иегері (2008). Саха-Якутия Республикасының еңбек сіңірген қайраткері, ҚР Президентінің Құрмет грамотасымен марапатталған. «Тәуелсіздіктің 10 жылдығы» мерекелік медалінің иегері.

Шығармалары[өңдеу]

  • Таң шапағы. Өлеңдер. А., «Жалын», 1977;
  • Іңкәр жүрек әуені. Өлеңдер. А., «Жалын», 1981;
  • Молодые поэты Средней Азии и Казахстана. Стихи М., «Молодая гвардия», 1982;
  • Ты моя весна. Стихи. А., «Жалын», 1986;
  • Гүлсезім. «Жазушы», 1988;
  • Хомус и домбра. «Бичик», Якутск. 1994;
  • Я твоя весна. «Кызыл»; Огни моей мечты. «Барс», М., 2000;
  • Сардана - Әсиягүл саз-жыр жинағы. А., М., «Талант», 2002.[1]

Дереккөздер[өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл