Тұрсын Үшбайұлы Уажанов

Тұрсын Үшбайұлы Уажанов 1951 жылы 11 маусымда Шығыс Қазақстан облысының Зайсан қаласында туған. Ф.Э. Дзержинский атындағы Жоғары шекаралық командалық училищені (1972) жалпы әскер командирі мамандығы бойынша; КСРО МҚК Қызыл Тулы институтын (1982), халықаралық референт мамандығы бойынша бітірген. 1972 жылдан - КСРО МҚК Шығыс шекара округы Зайсан шекара отрядының бөлім офицері. 1982 жылдан - КСРО МҚК Зайсан шекара отрядының аға офицері. 1985 жылдан - КСРО МҚК Шығыс шекара округы Күршім шекара отрядының бөлім бастығының орынбасары. 1987 жылдан - Үшарал шекара отрядының бөлім бастығы; жедел бөлім бастығының орынбасары, жедел бөлім бастығы; Үшарал шекара отряды бастығының орынбасары. 1993 жылдан - ҚР Шекара әскерлері штабының ақпараттық-талдау бөлімінің бастығы, шекара бақылауы бөлімінің бастығы: ҚР Шекара ескерлері штаб бастығының орынбасары. 1995 жылдан - ҚР Қорғаныс министрлігі ҚР Мемлекеттік шекараны қорғау жөніндегі мемлекеттік комитетінің Шекара бақылауы басқармасының бастығы, ҚР Мемкомитеті штаб бастығының орынбасары. 1998 жылдан - ҚР Мемлекеттік шекарасын қорғау күштері Бас штабы бастығының орынбасары. 1999 жылдан - ҚР Қорғаныс министрлігі Сыртқы байланыстар қызметінің бастығы; ҚР ҰҚК Шекара қызметі Бас басқармасының бастығы - Шекара қызметі директорының орынбасары. 7 медальмен марапатталған. Генерал-майор. Үйленген. 2 баласы бар.