Тәшімбай Ғазизбек

Тәшімбай Ғазизбек—1938 жылы Жамбыл облысы, Талас ауданы, Қайтөбе ауылында дүниеге келген.. ҚазМУ-ді бітірген (1964). 1957-59 жылдары. Жамбыл ауданы "Ленин жолы" газетінде жауапты хатшы, облысы "Еңбек туы" газетінде корректор болды. 1964—90 жж. респ. "Спорт" газетінде әдеби қызметкер, "Қазақстан" баспасында редактор, аға редактор, редакция меңгерушісі, бас редактордын орынбасары болды.

1990 ж. Қазақ Телеграф агенттігінде редакция менгерушісі, ҚР Президенті аппаратында кеңесші, Үкімет аппаратында сектор меңгерушісі болып қызмет атқарды.

1996—2001 жж. Қазақстан Республикасының ұлттық банкінде аударма бөлімін басқарды. Тәшімбай Қазақстан Журналистер одағынын мүшесі, бірнеше кітаптардың авторы.

Майталман спортшылар жайында жазылған "Топжарғандар" жинағын, Қажымұқан Мұңайтпасұлы туралы "Куш атасы" атты естеліктер жинағын, "Құм арасында", "Қос терек", "Қызғалдақ қалың шықкан жьл" атты әңгімелер жинақтарын, Қазақ баспасөзінің ардагері Мұқан Мамажановтың мұрасын зерттеп, "Еңбек еттім, ел үшін" деген ғұмырнамалық-шығармашылық жинақ шығарды (1999).

"Молодая гвардия" баспасы "Тамаша адамдардың өмірі" циклынан шығарған "Сальвадор Альенде", "Че Гевара" кітаптарын, Кеңес Одағынын Батыры Г.Сафиуллиннің "Жеңіс жолында" кітабын қазақ тіліне аударды.