Уақыттық тығыздау

Уақыттық тығыздау. Уақыт бойынша тығыздалған жүйеде жеке арналардың сигналдары жалпы байланыс жүйесі арқылы ретімен беріледі. Бір арналық сигнал берілетін мезетте байланыс жолына қосылатын басқа арналардың сигналдары нөлге тең. Арналары уақыт бойынша белектенген жүйеде сигналдар импульстік түрде беріліп, импульстік модуляция пайдаланылады. Егер арналармен берілетін сигналдар үзіліссіз болса, онда оларды алдымен үзілісті сигналдарға айналдырып, содан кейін үзіліс кезіндегі бос аралықты басқа арналардың импульстерін беруге пайдаланады. Уақыт бойынша бөлектенген арналарда бір-бірімен байланысты үш түрлі сигнал бұзылулары болады. Олар: модуляциялық, детекторлық жене бір-біріне ауысу. Модуляциялық бұзылу сигналдың параметрлерін, сондай-ақ модуляциялау коэффициентін дұрыс таңдамаудан, арналық жене жалпы модуляциялағыштардың модуляциялау сипаттамаларының сызықты болмауынан, жүйедегі сигнал беріп тарататын аспаптардың жиіліктік сипаттамаларының бірдей болмауынан пайда болады. Детекторлық бұзылу қабылдау жолындағы аспаптардың, оның ішінде арнадағы модуляциядан шығарғыштардың сипаттамаларының кемшілігінен болады. Бірінен-біріне ауысуы нәтижесінде арналардың арасындағы ауысу процестері, импульстердің пайда болуы немесе жойылып кетуінен сигнал бұзылады. Уақыт бойынша белектенген импульстік-кодалық модуляциямен жасалған көп арналы жүйеде арналар топталып, бірінші топта 30 арна, екінші топта 120 арна, үшінші сатыда 480 арна, төртінші сатыда 1920 арна, бесінші сатыда 7680 арналық топ құрылады. Топтардың сатылары жоғарылаған сайын берілетін меліметтер жылдамдығы артып, байланыс жолдарының жиіліктік спектрінің кендігі есе береді.