Убатай Әлімходжаев

ӘЛІМХОДЖАЕВ Убатай (1921 ж.т., Шу ауданы Төле би а.) – қайраткер. 2-дүниежүз. соғысқа қатысқан, атты әскер полкінің қатарында жаудан Мәскеу, Смоленск қ-ларын қорғауға, Днепрден өту шайқасына қатысып, Киев қаласын жаудан азат етуге қатысады. Польша жерінде шайқасып, Берлинді алуға қатысқан. Бейбіт еңбекке оралған соң Шу ауданы партия к-тінде насихатшы, партия мектебінің тыңдаушысы. Қазақстан Орт. партия к-тінде нұсқаушы, мектеп директоры, ауданы оқу бөлімінің меңгерушісі қызметтерін атқарды. 1962 – 82 ж. Жамбыл облысы атқару к-тінің басқарма бастығы болды. Еңбек Қызыл Ту, Отан соғысы, Қызыл Жұлдыз ордендерімен, медальдармен марапатталған. «Республика мәдениетіне еңбегі сіңген қызметкер», «КСРО кинематографистер Одағының үздігі», «Қазақ КСР-і халық ағарту ісінің үздігі» атақтарының иегері.