Уле Гуннар Сульшер

Уикипедия — ашық энциклопедиясынан алынған мәлімет
Jump to navigation Jump to search
Уле Гуннар СульшерФутбол
Ole Gunnar Solskjaer Trondheim2011-1.jpg
Жалпы мағлұмат
Туған күні 26 ақпан 1973(1973-02-26) (46 жас)
Кристиансунн, Норвегия
Азаматтығы  Норвегия
Бойы 178
Позиция шабуылшы
Клуб жайлы ақпарат
Клуб Англия Манчестер Юнайтед
Қызметі бас бапкер
Карьера
Клуб карьерасы*
1990—1994 Норвегия Клаусененген 109 (115)
1994—1996 Норвегия Молде 42 (31)
1996—2007 Англия Манчестер Юнайтед 235 (91)
1990—2007 Барлығы 386 (237)
Ұлттық құрамы**
1994—1995 Норвегия Норвегия-21 19 (9)
1995—2007  Норвегия 67 (23)
Бапкерлік карьерасы
2008—2011 Англия Манчестер Юнайтед-2
2011—2014 Норвегия Молде
2014 Англия Кардифф Сити
2015—2018 Норвегия Молде
2018— Англия Манчестер Юнайтед

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Уле Гуннар Сульшер[1] (норв. Ole Gunnar Solskjær; 26 ақпан 1973, Кристиансунн, Мёре-ог-Ромсдал) — норвег футболшысы, шабуылшы. Қазір бапкерлікпен айналысады. 1997-2007 жылдары Норвегия Ұлттық құрамасында ойнады. "Манчестер Юнайтедтің" аңызға айналған футошыларының бірі, 11 маусым бойы ешқайда ауыспай, осы клубта өнер көрсетті. Бапкерлік карьерасын норвегиялық клубтарды баптаудан бастады да, 2018 жылдың соңында "Манчестер Юнайтедке" уақытша бапкер болып тағайындалды.

Карьерасы[өңдеу]

Футболшы карьерасы[өңдеу]

Карьерасын Норвегияның үшінші дивизионында ойнайтын "Клаусененген" клубында бастады. Бұл клубта нәтижелігігі тым жоғары болды, 109 кездесуде 115 гол соқты. 1994 жылы жоғары дивизион өкілі "Мольде" футболшыны өз қатарына шақырды. "Мольде" сапында да жиі гол соғып, ұлттық құрамаға шақыртылды.

1996 жылы жазда "Манчестер Юнайтедке" ауысты. Манчестерлік клубтың Алан Ширермен жасаған сәтсіз трансфері нәтиже бермеді, Сульшер келген соң Ширер "Ньюкаслға" ауысып кетті.

Сульшер "Манчестер Юнайтед" сапындағы алғашқы ойынында-ақ гол соқты. 1996 жылы 25 тамызда "Блэкберн Роверспен" ойында матч барысында алаңға шығып, алты минуттан соң нәтижелі соққы жасады. Бір қызығы, 2007 жылы 31 наурызда "Манчестер" сапындағы соңғы голын да осы "Блэкберннің" қақпасына соқты, тағы да ойынға тыңнан қосылып, алты минуттан соң.

Алғашқы маусымда Англия чемпионатында 18 гол соқты.

1998/99 жылғы маусым Сульшер үшін табысты болды, "Манчестер Юнайтед" Англия чемпионы атанды, УЕФА Чемпиондар кубогын, Англия кубогын ұтты. Әсіресе 1999 жылы 26 мамырдағы Чемпиондар Лигасының финалы Сульшердің есінде мәіңгі қалды: "Бавариядан" 0:1 есебімен ұтылып тұрғанда Тедди Шерингем екеуі ойынға қосылып, бір-бір голдан соқты да, "Манчестер Юнайтед" 2:1 есебімен жеңіске жетті.

"Манчестер Юнайтедтің" бапкері Сэр Алекс Фергюсон Сульшерді көбінен ойын ортасында матчқа қосып отырды да, Сульшер көбінде гол соғып жатты. Сонысына қарап оны "супер алмасушы" деп атап кетті.

Карьерасының соңғы жылдарында жиі жарақаттанумен болды да, көзге түспей қойды. 2006 жылы клубпен жаңа келісім шарт жасасқанына қарамастан, 2007 жылы тамыз айында жарақатының кесірінен амалсыз футболмен қоштасты.

Бапкерлік карьерасы[өңдеу]

2007 жылы "Манчестер Юнайтедтің" жасөспірімдер клубын жаттықтырды. 2010 жылы "Мольде" клубында бас жаттықтырушы болды. Бапкер ретінде де табыссыз болмады, 2011, 2012 жылдары Норвегия чемпионы атанды.

2014 жылы қаңтар айында "Кардифф Ситидің" бас жаттықтырушысы болды, бірақ нәтиже көрсете алмай, сол жылы қыркүйекте ол қызметтен босады.

2015-18 жылдары тағы да "Мольде" клубының бас жаттықтырушысы болды.

2018 жылдың соңына қарай "Манчестер Юнайтед" тым нашарлап кетті де, бас бапкер Жозе Моуриньо қызметтен босады. Орнына Сульшер уақытша бапкер міндетін атқарушы боп тағайындалды. Алғшқы ойында-ақ "Манчестер" 5:1 есебімен "Кардифф Ситиді" ұтты. Алғашқы сегіз ойында Сульшердің командасы сегіз жеңіске қол жеткізді, бұрын-соңды Манчестерлік клубтың ешқандай бапкері мұндай сәтті дебют жасаған емес.

2019 жылы наурыз айында ресми түрде "Манчестер Юнайтедтің" бапкері боп тағайындалды.

Жетістіктері[өңдеу]

Ойыншы ретінде[өңдеу]

Манчестер Юнайтед
  • Англия чемпионы (6): 1996/97, 1998/99, 1999/2000, 2000/01, 2002/03, 2006/07
  • Англия кубогы (2): 1999, 2004
  • Чемпиондар Лигасы: 1999
  • Англия суперкубогы (2): 1996, 2003
  • Құрлықаралық кубок: 1999

Бапкер ретінде[өңдеу]

Манчестер Юнайтед (21)
  • Ланкашир үлкен кубогы: 2009
  • Манчестер үлкен кубогы: 2009
Молде
  • Норвегия чемпионы (2): 2011, 2012
  • Норвегия кубогы: 2013

Дереккөздер[өңдеу]

  1. кей ақпарат көздерінде Уле Гуннар Солскьяр деп те жазылып жүр

Сілтемелер[өңдеу]