Ушаков Симон (Пимен) Федорович
Ушаков Симон (Пимен) Федорович(1626, Мәскеу-25.6.1686)-орыс кескіндемешісі. 1648-1664 жылдары Күміс және Алтын палаталарда суретшілік қызмет атқарды. 1664 жылдан Қару-жарақ палатысының жалақылы иконашысы әрі икона шеберханасының жетекшісі. Икона,миниатюра, фреска салды. Мәскеу Кремліндегі Архангель және Успен соборларының (1660) қабырға өрнектерін салушыларға жетекшілік етті. Географиялық карталар мен жобалар сызды, гравюралар мен офорттар жасады. Ол «Өліммен теңдес жеті күнә»(1665) офортының, «Үштік»(1671, Ленинград, Орыс музейі), «Владимир құдай-анасы» (1668, Мәскеу, Третьяков галереясы) туындылары мен « Әсем икона жазбалары жайлы сөз» (1666) атты трактаттың авторы. С.Ф.Ушаков- орыс кескіндемесінде алғашқылардың бірі болып икона бейнесіне өмір шындығына жақын кейіп беру мәселесін көтерген суретші.
Дереккөздер[өңдеу | қайнарын өңдеу]
Қазақ энциклопедиясы