Федор Федорович Озмитель

Федор Федорович Озмителъ(13.8.1918, Ақтөбе облысы,Мартек ауданы,Линовицкое селосы 15.6.1944, Беларусь, Минск облысы,Борисов ауданы,Палик көлінің жағалауы) - 2-дүниежүзілік соғысқа катысушы, ага лейтенант, партизан отрядының командирі,украин. Орта мектептен кейін, 1937 жылы Орынбордағы оқытушы курсын бітіріп, Мартек ауданындағы Т.Шевченко атындағы ұжымшарда дәріс берген. 1941 жылы Ново-Петергофскідегі әскери шекара училищесін бітірген. 1941 жылдың қазан айынан бастап Ұлы Отан соғысында болды. Алғашқылардың бірі болып Ленинград пен Мәскеу түбіндегі шайқастарға қатысты. 1941 жылы қазан айында лейтенант Озмителъ КСРО ІІХК (НКВД)-ныц арнайы мотоатқыштар бригадасына ауыстырылды. Олардың негізгі міндеттерінің бірі И.Сталиннің және КОКП ОК мүшелерінің қауіпсіздігін қамтамасыз ету болды. 1942 жылы ақпанда арнайы тапсырманы орындау үшін Озмителъ топты басқарып, жау тылына өтті. Озмителъ басқарған партизан отряды Смоленск мен Минск облыстарында жау тылын 18 ай бойы күйретумен болды. Минск - Мәскеу тас жолының көпірлерін үш рет бұзып, Витебск қаласындағы бу турбинасын істен шығарды, 27 әскери эшелонды қиратып, 2 мыңнан аса әскері мен офицерін жойды. 1944 жылы Палик көлі маңында болған ұрыста бірнеше партизандық бригада коршауда қалды. Партизандар тойтара соққы беріп, жаудың үш шебінде бұзып шықты. Ол жалғыз өзі жауды бөгеп, жау маңына жақындағанда граната алып, өзін де жау әскерлерін де жойып жіберді. Осы ерлігі үшін КСРО Жоғарғы Кеңесі Төралқасының Жарлығымен оған Кеңес Одағының Батыры атағы берілді (5.11.1944). Ленин, 2-дәрежелі Отан соғысы ордендерімен және медальдармен марапатталған.