Филокартия

Филокартия (фр. «carte» — карточка және гр. «φιλέω» — жақсы көру) — почта открыткалары мен суретті открыткаларды зерттеу және коллекциялау. КСРО-да почта открыткаларының мынадай түрлері шығарылатын: екінші беті суретті, көркем, почта маркасы жоқ маркаланбаған открыткалар; екінші беті суретті, адрес жазылатын бетінде почта маркасы жапсырылған открыткалар; сондай-ақ иесінің алғандығы туралы жауабының ақысы төленетін қос маркалы гербті почта карточкалары.

Жылма-жыл открыткалар 7-8 мың атаумен шығарылады, олардың көпшілігінің тиражы 2,5 млн. данаға дейін жетеді. Суретті открыткалар көркем және фото открыткалар болып бөлінеді. Көркем открыткалардың көшірме және түпнұсқа болуы, ал фотооткрыткалар-фотосуреттің нұсқасы немесе олардың типографиялық көшірмесі болуы мүмкін. Түпнұсқа открыткаларға плакат үлгісіндегі, құттықтау, юбилейлік, балалар, жарнама открыткаларын және т. б. жатқызады. Открыткалардың қабылданған форматтары : 9 см ×14 см және 10,5 см × 14,8 см.

Ортаққорда бұған қатысты медиа файлдар бар: Category:Postcards