Фотополимерлік басу формасы

Уикипедия — ашық энциклопедиясынан алынған мәлімет
Jump to navigation Jump to search

Фотополимерлік басу формасы ФБФ (орыс. фотополимерные печатные формы, ФПФ) — фотополимерлік материалда (металл бетіне орналасқан қатты не сұйық композициялар қабаты) жасалған басу формасы. Ондай материал жарық сәулесі әсерінен өзінің химиялық және физикалық қалпын өзгертіп ерімейтін полимер қабатын (басу элементін) қалыптастырады. Полимерленбеген, өзінің алғашқы ерігіштік қабілетін сақтап қалған жерлерін жуып-еріту арқылы бедерлі басу формасы дайындалады. ФБФ-ның құнды артықшылықтары: жоғары айқындық қабілеті; басу элементтерінің орнықтылығы; жасалуының лездігі, оңайлығы; бояуды жақсы қабылдауы және беруі; бояудың ерітпесіне тұрақтығы; қалыңдығының біркелкілік дәлдігі; иілу қабілетінің жоғарылығы; форма жасау процесінің тұрақтылығы мен залалсыздығы және қандай да болса тиражға төзімділігі.[1]

Дереккөздер[өңдеу]

  1. Полиграфия, өлшеу техникасы, ағаш өңдеу жабдықтары және металл өңдеу техникасы мен технологиясы: Қазақша-орысша терминдердің түсіндірме сөздігі.