Фрезалау станогы

Фрезалау станогы - материалды фрезамен жоңқалап кесу арқылы өңдейтін металл кесу станогы. Ол өзінің әмбебаптылығымен ерекшеленіп, жазық, қисық беттерді өідеу, ойма салу үшін қолданылады. Металл өңдеуде Фрезалау станогы

• әмбебап (үстелі шпиндель осіне бұрыш жасай қозғалатын)
• тік және көлденең фрезалау (шпиндель осіне орналасу қалпына қарай аталған)
• бірнеше шпинделі бар көлденең фрезалау (жазық бетті өңдеу үшін қолданылатын),
• көшірмелеуіш (күрделі бұйымды көшірмесі бойынша өңдейтін) және
• арнаулы (шпонкалы-фрезалау, тіс фрезалау, ойма салғыш әрі барабанды) түрлері бар.

Ағаш өңдеуде қолданылатын Фрезалау станогы фрезасы тік бағытта айналатын білікке (шпиндельге) бекітілген станок түрінде болады. Мұндай станоктың бір, екі шпиндельді, карусельді және көшірмелеуіш түрлері бар.