Хажеден Мжаверұлы Измаилов

Хажеден Мжаверұлы Измаилов - 1957 жылы 25 сәуірде РCФСР Астрахан облысы Икрянин ауданының Мумра көнтінде туған. Қазақ. Әкесі - Измаилов Мжавер Нығметұлы (1925-1977), «Маңғышлақауылқұрылыс-12» тресі басшысының орынбасары болып жұмыс істеген. Анасы - Измаилова Нағима Аюпқызы (1928 ж. т.), зейнеткер, Шевченко жеке киім тігу фабрикасының шебері болып жұмыс істеген. В.И. Ленин атындағы Қазақ политехникалық институтының «Автоматика және есептегіш техника» факультетін бітірген (1979), инженер-жүйе технигі. Экономика ғылымдарының кандидаты (2003). Кандидаттық диссертациясының тақырыбы: «Табиғи монополиялар жағдайындағы Қазақстан Республикасының газкөлік жүйесіндегі тарифтік реттеуді жетілдіру». «Газкөлік жүйесін тарифтік реттеу» монографиясының (2003); газкөлік саласы және табиғи монополия субъектілері тақырыбындағы 8 мақала мен жарияланымның авторы. Қазақ, орысжәне ағылшын (сөздікпен) тілдерін біледі. «Нұр Отан» ХДП мүшесі (2008 жылдан). 1979 жылдан - «Ембімұнайгеофизика» тресінің инженері. 1980 жылдан - Оңтүстік магистралдық мұнай өнімдері құбырлары басқармасының инженері. 1981 жылдан - Қазақстан ЛКЖО Маңғышлақ облыстық комитетінің нұсқаушысы, жұмысшы және ауыл жастары бөлімінің меңгерушісі, комсомол ұйымдары бөлімінің меңгерушісі. 1985-1986 жылдары - «Оңтүстікмұнайавтоматика» тресінің инженері. 1990 жылдан - «Салауат» қоғамдық жастар үйымының жауапты хатшысы. 1991 жылдан - «Маңғыстауинтерсервис» ШК менеджері. 1992 жылдан - Маңғыстау облыстық спорт және туризм басқармасы бастығының орынбасары. 1993 жылдан - «Салют и К» ЖШС коммерциялық директоры. 1997 жылдан - «Ақтаутрансгаз» ЖАҚ бас директорының орынбасары; «Ақтаугаз» ЖАҚ қаржы директоры, басқарма төрағасы, қаржы директоры - оңалтушы басқарушының орынбасары. 2002 жылдан - «Маңғыстау газкөлік жүйесі» ЖШС қаржы директоры. 2003-2004 жылдары - «Ақтаугаз» ЖАҚ сайыстық басқарушысы. 2005 жылдың қаңтарынан - «Ақтаугазсервис» АҚ атқарушы директоры. 2005 жылдың қыркүйегінен бері - «Заман и К» ЖШС директоры; «Салют и К» ЖШС директорының орынбасары. «Нұр Отан» ХДП Ақтау қалалық филиалының кеңес мүшесі. ҚР Президентінің Алғыс хатымен (2005), Маңғыстау облысы әкімінің құрмет грамотасымен (2007), «Маңғыстау облысына 35 жыл» Құрмет белгісімен (2009) марапатталған. Әскери атағы - запастағы аға лейтенант. Діни көзқарасы - «Зайырлы өмір салты». Саяси қайраткер ретіндегі идеалы - Ф. Рузвельт. Қазақстанның болашағы туралы болжамы - «Тұрақты, демократиялық, экономикалық дамыған, еркін азаматтық қоғам». Хоббиі - теннис, автомобильдер. Сүйіп оқитын әдебиеті - тарих, философия. Үйленген. Жұбайы - Дәуленова Нұржамал Қуанғалиқызы (1964 ж. т.), «ТасболатОйлКорпорейшн» ЖШС әлеуметтік бағдарламалар үйлестірушісі. Үлы - Измаилов Жан (1992 ж. т.), студент.