Хамзин Батырхан

Хамзин Батырхан (05.02.1918, Жангелдин ауданы, Ақшығанақ ауылы – 1966, сонда) – соғыс және еңбек ардагері, агроном. 1930-36 жылдары аралығында ауылдағы бастауыш мектебінде оқып, 1942-52 жылдары Петропавл қаласындағы ұжымшар басқармасы тқрағаларын даярлайтын ауыл шаруашылық мектебін бітірген. 1936-39 жылы кеңес армиясы қатарына шақырылғанға дейін Жетіғарада кен қазушы болып істеді. Ленинград қаласы түбінде әчкери борышын өтей жүріп, 1939 жылдың қысында 7-армия құрамында кеңес-фин соғысына қатысты. 1940 жылы ленинградтағы кіші командирлер даярлайтын 3 айлық курсты бітірді. 1941 жылы Солтүстік-Батыс майданы әскерлерінің құрамында шайқасқа кіріп, 1942 жылы Старосестрорецк түбінде жарақаттанған. Емделіп шыққан соң Свердловск қаласындағы әскери зауытқа жұмысқа жіберілді. 1946 жылы елге оралып, «Тамқамыс», «Ақшығанақ» ұжымшарларында бөлімше меңгерушісі, ұжымшар басқармасының төрағасы болып істеді. Бірнеше рет аудандық кеңестің депутаты болып сайланған.