Химиялық әскерлер

Уикипедия — ашық энциклопедиясынан алынған мәлімет
Jump to navigation Jump to search
Gas chamber training 150331-A-BS310-022.jpg

Радиациялық, химиялық және биологиялық қорғау әскерлері немесе РХБ қорғау әскерлері — жаппай қырып-жоятын қарудан қорғану шараларын орындау үшін арнайы құрылған әскер. Химиялық әскерлер құрамында уланғаннан кейін дегазациялау жұмыстарын жүргізетін арнайы бөлім мен бөлімшелер болады. Химиялық қорғау бөлімдері (рота, взвод, бөлімшелер) ұйымдастыру жағынан басқа әскерлер түрінің құрамына енеді. Химиялық әскерлерге радиациялық және химиялық барлау жүргізу, киім-кешекті, әскери жабдықтарды, аяк киімдерді және жеке қорғану құралдарын, уланған жер әңірлері мен жолдарды дегазациялау, дезинфекциялау, адам құрамының радиоактивтік сәулемен зақымдануын бақылау, қару-жарақ, техника және материалдар қорының радиоактивтік және улағыш заттардан қорғалуын бақылау, сондай-ақ жердің улану дәрежесінін өзгеруін қадағалап отыру міндеттеледі. Өз әскерлері тұрған жерлерде және олардың жүретін маршруттарында қарсылас қолданатын улағыш заттарды табу және онын қай түрге жататынын айыру мақсатында химиялық барлау жүргізеді.[1]

Ядролық қорғау мен басқа жаппай жою құралдарының бар болуы осы қару түрлерін қолдану жағдайында, сондай ақ радиациялық және химиялық қауіпті объектілердегі қиратулар кезінде әскерлерді қорғау бойынша шаралар қабылдау қажеттігін тудырады. Осындай тапсырмаларды шешуде радиациялық, химиялық және биологиялық қорғау әскерлері маңызды рөл атқарады.

Радиациялық, химиялық және биологиялық қорғау[өңдеу]

Әскерлерді ұрыстық қамтамасыз ету түрлерінің бірі ретінде ұрыста әскерлерінің шығынын төмендету және радиоактивті, химиялық және биолгиялық зақымдану жағдайында әрекет жасау кезінде қойылған тапсырманың орындалуын қамтамасыз ету, жоғары дәлдіктегі және басқа қару түрлерін қорғану мақсатында ұйымдастырылып жүзеге асырылып отыр.

Міндеттері[өңдеу]

Қарсыластың жаппай жою қаруын қолдану салдарынан радиациялық, химиялық және биологиялық қауіпті объектілердің қиратылу зардабы мен масштабын табу және бағалау. Радиоактивті, улағыш, уытты заттар мен биологиялық құралдардан жеке құрамды қорғау. Әскерлер мен объектілердің көрінуін төмендету[2].

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл
  2. Алғашқы әскери дайындық, 10 сынып, Мектеп баспасы, 2006