Хотан

Уикипедия — ашық энциклопедиясынан алынған мәлімет
Jump to navigation Jump to search
Хотан орталығында

Хотан, Қотан — Солтүстік-Батыс Қытайдағы, Шыңжаң-Ұйғыр автономиялы районындағы қала. Халқы 130 мыңдай (2001). Тарим өзенінің саласы — Ұрынқаштың бойында орналасқан, Такла-Макан шөліне жақын ауданның орталығы. Хотан ежелгі заманнан бастап сауда керуен жолдарының қиылысында орналасты. 15 ғасырға дейін Қытайдан Еуропаға қарай өтетін Ұлы Жібек жолындағы маңызды бекеттердің бірі болды. 16 — 19 ғасырларда Шығыс Түркістандағы басты 6 қаланың біріне айналды (қара Алтышаһар). 18 ғасырдың 2-жартысынан Қытайдың билігінде. Шығыс Түркістандағы басқа қалалар секілді Хотанды да еуропалықтарға алғаш қазақ ғалымы Ш.Уәлиханов таныстырды. Қазір Хотан — Қытайдың батысындағы жібек иіру мен кілем тоқу қолөнерінің танымал орталығы.

[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том