Хромаффинді жасушалар

Хромаффинді жасушалар (хромафинные клетки); (chromaffiniscytus, грек, сһгош — хром, affinis — ұқсастық, kytos — жасуша) — бүйрекүсті безі бозғылт затын құрайтын жасушалар. Екіхромды қышқылдық калиймен (калий бихромат) гистологиялық препаратты бояған кезде, қалпына келген хромның қоңыр түнбасымен боялған хромаффинді жасушаларды байқауға болады. Хромаффинді жасушалар (хромаффиноциттер) түрі өзгерген симпатикалық жүйке түйінінің нейроциттері. Пішіні дөңгелек немесе көпбұрышты болып келген хромаффинді жасушалар топтасып орналасып, жасушалар тізбеген құрайды. Олардың аралықтарында синусоидты қылтамырлар болады. Хромаффинді жасушалар боялу сипатына байланысты екі түрге бөлінеді: ашық түсті адреноциттер (эпинефроциттер) адреналин гормонын, ал қоңыр түсті норадреноциттер (норэпиненефроциттер) норадреналин гормонын бөледі. Адреналин жүректің жұмысын күшейтіп, көмірсулар алмасуына қатысады, норадреналин қан тамырлары қабырғаларына әсер етіп, қан қысымының көтерілуіне және гипоталамус тың нейросекреторлық қызметіне әсер етеді.