Хүң Тао

Уикипедия — ашық энциклопедиясынан алынған мәлімет
Jump to navigation Jump to search

Хүң Тао (2.2.1944 ж. туған, Қытай, Фучжан провинциясы, Наньнань ауданы.) — Қытай тарихшысы, қазақ тарихын зерттеуші. Шанхайдың Фудань университетін бітірген (1969). 1970 — 80 ж. Іле Қазақ автонамиялық партия комитетінің партия мектебінде оқытушы, 1982 — 92 ж. Іле педагогикалық институтында Қазақ мәдениетін зерттеу бөлімі меңгерушісінің орынбасары, жетекші ғылым қызметкер, “Іле педагогикалық институты ғылыми журналының” редколлегия мүшесі болды. 1993 жылдан Шыңжаң университетінде тарих факултетінің профессоры. Ол Қытайдың ортағасырлық тарихын, соның ішінде қазақ тарихын зерттеумен шұғылданады. Негізінен қазақ этногенезін және Қазақ хандығы тарихын зерттеп келеді. Оның “Қазақ ұлтының этногенезі” (1986), “Қазақ хандығының саяси тарихына шолу” (1986), “Үйсін тарихын зерттеудегі бірнеше мәселелер” (1992), “Қазақ халқының еліміз тарихына қосқан үлесі” (1993) сияқты көптеген ғылым мақалалары Қытай қазақтарын зерттеу саласындағы құнды еңбектер болып саналады.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, II том