Циммервальд конференциясы

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Циммервальд конференциясы (1915 ) – интернациалист–социалистердің 1914 – 18 жылдардағы империалистік соғыс жағдайында, Екінші Интернационал күйрегеннен кейін болған халықаралық конференция.

Барлығы үш конференция болды. Бірінші конференция 1915 жылы 5 – 8 қыркүйекте Швейцарияның Циммервальд деревнясында өтті. Бұған соғысушы екі лагерьдегі еуропалық 11 ел ( Ресей, Германия, Италия тағы басқа) өкілдері жиналды. Олардың ішінде В.И. Ленин бастаған орыс большевиктерінің ғана империалистік соғысқа қарсы нақты бағдарламасы болды. В.И. Ленин конференцияда революцияшыл марксистер тобын ұйымдастырып, бұқараны соғысқа қарсы күреске шақыру және социал-шовинизмнен біржола қол үзу жөнінде күрес жүргізді. Циммервальд конференциясы соғыстың империалистік сипатын мойындады. Ленин конференцияны оппортунизмге қарсы күрес жүргізу жолындағы ілгері басқан қадам деп бағалап, большевик партиясы Орталық Комитетінің атынан манифеске қол қойды. 2-ші конференция 1916 жылдың сәуірінде Швейцарияда өтті. 1917 жылдың басында В.И. Ленин большевиктердің Циммервальд бірлестігінен шығып, жаңа Коммунистік Интернационал құруды тездетуге күш салуын қолдады. Коммунистік Интернационалдың 1–ші конгресі (1919) Циммервальд бірлестігін таратылды деп жариялады. [1]

Дереккөздер[өңдеу]

  1. Қазақ совет энцеклопедиясы. 6 том.