Черныхит

Черныхит — Ленинград тау кен профессоры В.В. Черныхиттің құрметіне аталған, тұңғыш рет Солтүстік Батыс Қаратаудағы Баласауысқандық ванадий кенінде 1955 жылы табылған ванадаттар класы ішіндегі ванадийлі слюдалар тобына жататын минерал.

Моноклиндік сингонияда кристалданады. Түсі жасыл, жымдыстығы өте жетілген, жылтырауық келеді. Қаттылығы Мосс шкаласы бойынша 2,52-4,52 (жымдыстыққа перпендикуляр бағытта). Тығыздығы 3140-3160 кг/м³. Метаморфизмге шалынған ванадийлі тақтатастарды түзетін көмірлі сазды кварцты тақтатастардағы карбонатты жыныстардың қабаттарында кездеседі. Черныхиттің үлгілері Бүкілодақтық геологиялық ғылыми зерттеу институтының Минералогиялық музейінде, Ленинградта, Қазақ ССР ҒА-ның Геологиялық ғылымдар музейінде, Алматыда, Қазақ политехника институтының оқулық минералогиялық музейінде сақтаулы.