Шабуыл қарқыны

Шабуыл қарқыны — шабуылдаушы әскердің қозғалу жылдамдығы км/тәулікпен өлшенетін операция ауқымының бірден-бір көрсеткіші. Ол өз әскерлері және қарсылас жактың жауынгерлік қабілеті мен санына, қорғаныс сипаты мен жергілікті жер ерекшеліктеріне, дайындықка және шабуылдың батылдығына т.б. байланысты. Шабуыл қарқынының жоғарылығы қарсыластың қорғаныс шептері арасын жылдам ұйымдастыруын қиындатып, операция мақсатының тезірек орындалуына мүмкіндік туғызады. Бірінші дүниежүзілік соғыс жылдарында шабуыл қарқыны төмен болып 5-6 км/тәулікке әрең жетті, ал Ұлы Отан соғысы жылдарында кейбір операцияларды жүзеге асыруда Шабуыл қарқыны 15-20 км/тәулікке (танк әскерлерінде 35-40 км/тәулік, кейде тіпті 80 км/тәулікке дейін) жетті.

Жоғары шабуыл қарқынына ядролық соқкылардан кейін қарсыласты атыс құралдарын қолдана отырып жоюмен және танк, мотоатқыштар бөлімшелерінің шапшаң шабуылымен қол жеткізіледі. Бұл қарсыласты есеңгіретіп, оған өз-өзіне келуіне және шабуылдаушы әскерлерге қарсыласуды ұйымдастыруына мүмкіндік бермейді. Жоғары шабуыл қарқыны қарсыластың шабуылдаушы бөлімшелермен бөлімдерге қарсы тиімді ядролык соққылар беруін қиындататындықтан, әскерлерді жаппай жою қаруынан қорғау тәсілдерінін бірі болып келеді.