Шабындық қоңырбас
Шабындық қоңырбас (шалғын қоңырбасы, Poa pratensis) - астық тұқымдасына жататын тамырсабақты, қалың шым түзетін, көп жылдық шөптесін өсімдік.
Биологиялық сипаттамасы[өңдеу | қайнарын өңдеу]
Биіктігі 30-90 см, вегетативті өркендері көп және жақсы жапырақтанған. Жапырақтары ұсақ, жұмсақ. Гүл шоғыры - шашыраңқы сыпыртқы.
Таралуы[өңдеу | қайнарын өңдеу]
Жер шарының қоңыржай аймағында, Еуропада, Кавказ, Орта Азия, Батыс және Шығыс Сібірде, Қиыр Шығыста, Қазақстанда шөлді жерден басқа жерде өзен аңғарлары, тау шабындықтарында өседі.
Сипаттамасы мен қолданылуы[өңдеу | қайнарын өңдеу]
Тұзға төзімсіз, қуаңшылыққа, суыққа төзімді. Көктемде ерте көктейді, тез дамиды, мал отағаннан кейін тез қалпына келеді. Сыпыртқы салғанға дейін барлық мал түлігі жақсы жейді. Гектарынан 25-28 центнер пішен түзеді, 100 кг пішенінде (екпе түрі) 54 азық өлшемі, 5,3 кг қорытылатын протеин, 100 кг көк шөбінде 24 - 25 азық өлшемі, 3,5 кг қорытылатын протеин болады.
Қолданылған әдебиет[өңдеу | қайнарын өңдеу]
- Қазақ Совет энциклопедиясы, 1978 жыл, Алматы,12 том, 159 бет