Шаймардан Қожахметұлы Торайғыров
Шаймардан Қожахметұлы Торайғыров (1898, Павлодар облысы Баянауыл ауданы - 1970, сонда) - ағартушы-педагог, ақын, ауыз әдебиетін жинаушы. Сұлтанмахмұт Торайғыровтың інісі.
Ташкенттегі Орта Азия мемлекеттік университетін бітірген (1932). Ұзақ жылдар бойы мектептерде және педагогикалық училищеде оқытушы болған. Сұлтанмахмұттың артында қалған әдеби мұрасын жинастыруға көп еңбек сіңірген. Оның ел аузынан жинап алған жыр-дастандар мен аңыз-әңгімелер, ақын-жыраулар мен шешен-билер туындылары, Сұлтанмахмұт шығармалары Орталық ғылыми кітапхананың, Әдебиет және өнер институтының қолжазба және мәтінтану бөлімінде сақтаулы. "Баян" поэмасының "Олжабай батыр" тарихи дастанының авторы. Торайғыровтың Сұлтанмахмұт өмірі мен шығармғы жайлы жазған "Сұлтанмахмұт" атты зерттеу еңбегі де бар. "Баян" поэмасынан үзінділер Павлодар облыстық "Дауа" газетінде жарияланды.[1]
Дереккөздер[өңдеу | қайнарын өңдеу]
- ↑ “ Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6
 | Бұл мақаланы Уикипедия сапа талаптарына лайықты болуы үшін уикилендіру қажет. |